2021 елга товар һәм төрелмә җитештерүчеләр һәм импортерлары аларны утильләштерү буенча чыгымнарны үтәргә тиеш.
Россиядә экологик мониторингның тулы кыйммәтле системасын формалаштырырга кирәк. Бу хакта Россия Президенты Владимир Путин Федераль Җыенга еллык Юлламасында хәбәр итте.
"Безгә һава сыйфатын мониторинглау системасын эшләргә һәм гамәлгә кертергә кирәк. Киләчәктә мондый контрольне бөтен илгә таратырга кирәк, һава торышына гына түгел, ә су, туфрак торышына да, ягъни экологик мониторингның тулы кыйммәтле системасын формалаштырырга кирәк», — диде РФ Президенты. Ул полигоннарга керә торган калдыклар күләмен киметергә, шулай ук чүп-чарны аерым җыюны кертергә кирәк, дип өстәде.
"Тулаем алганда, ябык цикл икътисадына күчәргә һәм инде 2021 елдан ук җитештерүчеләрнең киңәйтелгән җаваплылыгы механизмын куллана башларга кирәк, ул чакта товар һәм төрелмә җитештерүчеләр һәм импортерлар аларны утильләштерү чыгымнарын түли", — дип ассызыклады Владимир Путин.
Элегрәк «Татар-информ» мәгълүмат агентлыгы хәбәр иткәнчә, 2020 елда Казанның 351 ишегалдында чүп-чарны аерым җыю өчен яңа контейнер мәйданчыклары барлыкка киләчәк. Россия Федерациясе Президентының Россия Федерациясе Федераль Собраниесенә еллык Юлламасында Татарстан Республикасы Президенты Рөстәм Миңнеханов һәм Татарстан Республикасы Дәүләт Советы Рәисе Фәрит Мөхәммәтшин катнаша.
Иң мөһим һәм кызыклы язмаларны Татмедиа Telegram-каналында укыгыз
