Республикада көчле кар көтелә

Бүген, 22 гыйнварда, республикада көчле кар көтелә. Казанда төнлә һәм иртән күп итеп кар явачак. Буран вакытында күз күреме бер километр һәм аннан да кимрәк булачак.

Шулай ук күпчелек районнарда кар явачак, урыны белән буран көтелә. Җил көньяк-көнчыгыштан, уртача тизлектә. Урыны белән җил тизлеге секундына 15-20 метрга кадәр көчәергә мөмкин. Казанда - 18 метр секундка кадәр. Юлларда кар көртләре барлыкка киләчәк, бозлавык булачак.

Һава температурасы төнлә -9...-14 градуска кадәр төшәчәк, көндез -3, -8 градус булачак, дип фаразлана. Көнчыгыш районнарда -11 градус салкын булуы ихтимал. Юлларда бозлавык саклана.

http://tatar-inform.tatar/news/2018/01/21/156475/