Әтнә таңы

Рөстәм Миңнеханов хакимияткә казнадагы һәр тиенне санап тотарга кушты

ТР Президенты бүгенге катлаулы шартларда финанс һәм салым органнары, казначылык һәм министрлыклар, муниципалитетлар һәм предприятиеләренең уртак эшчәнлеген активлаштырырга кирәклеген әйтте.

(Казан, 24 июль, «Татар-информ», Егор Никитин). Коронавирус пандемиясе аркасында килеп туган катлаулы икътисади шартларда республика казнасындагы һәр тиен исәптә булырга тиеш. Татарстан Президенты Рөстәм Миңнеханов бүген республиканың финанс органнары киңәшмәсендә шулай дип белдерде.

Президент билгеләп үткәнчә, хакимият органнары эшенең максаты – төбәк предприятиеләренең тотрыклы эшчәнлеге булырга тиеш. Чөнки нәкъ менә алар кешеләргә акча эшләү мөмкинлеген бирә һәм бюджетка салымнар килүен тәэмин итә, республика иминлегенең нигезен тәшкил итә.

Реклама

«Һәр тиен исәптә булырга тиеш. Миллион һәм миллиардларны түгел, ә һәр тиенне санап торырга кирәк. Әгәр шулай эшләсәк, миллионнар да, миллиардлар да булачак», - дип мөрәҗәгать итте Рөстәм Миңнеханов киңәшмәдә катнашучыларга.

Президент бүгенге катлаулы шартларда финанс һәм салым органнары, казначылык һәм тармак министрлыклары, муниципалитетлар һәм Татарстан предприятиеләренең уртак эшчәнлеген активлаштырырга кирәклеген искәртте.

Чыганак: https://tatar-inform.tatar/news/business/24-07-2020/r-st-m-mi-nehanov-hakimiyatk-kaznadagy-r-tienne-sanap-totarga-kushty-5758972

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: