Суларның сыйфаты яхшырды

Игътибар иттегезме?

Суларның сыйфаты яхшырды

"Чиста су" программасы белән олысы - кечесе таныш хәзер. "Белүен беләбез, тик безнең урамнарга андый су килмәде шул",- дияргә ашыкмагыз. Бүгенге көндә район үзәгенең Тукай, Татарстан, Нариман урамнарында әлеге программа буенча эш бара. Кайсында төгәлләнгән, кайсында өлешчә башкарылган. "Яңа Әтнә авылында да эш башланды, бригада килде. "Чиста су" кертү белән бергә авыл урамнарына, өйләренә кертелгән суларның сыйфатын 27 параметр буенча тикшерттек, һәм алар куанычлы. Күәм авылының ике скважинасыныкындагы суның сыйфаты яхшы, катылыгы элек 7 булса, хәзер - 6,7; Олы Әтнәнең "Поле чудес" дип аталган яңа өлешендә дә су 70-80 процентка йомшарган. Элек 34 булса, хәзер - 19. Суны әзрәк тоткан саен аның сыйфаты яхшыра, күп тотканда фильтрлар эшләп җиткерә алмый...", - дип аңлата коммуналь хуҗалык җитәкчесе Рамил Сәфәров.