“Сәйпи тавы” гына сакланган

Кире кайтыр кебек

Еллар үткән саен искә төшә
Авылымның айлы кичләре.
Борыныма килеп керер төсле
Мичтә пешкән икмәк исләре.
Икмәкләр дә инде өйдә пешми,
Кибетләрдән генә аласы.
Онытыла авылым йолалары
Үзгәрде шул инде дөньясы.
Үзгәрде шул, бар да үзгә хәзер
Авыл урамнары, йортлары.
Елгалары хәтта саектылар,
Танып булмый басу-кырларны.
Ашлык амбарлары, фермалардан
Калмаган шул инде эзләр дә.
Атлаганда авылым урамыннан
Сирәк очрый таныш йөзләр дә.
Су коенган елга буйларын да
Куе таллар инде каплаган.
Кыш буена чангы- чана шуган
"Сәйпи тавы" гына сакланган.
Дуслар белән шунда тау шуганда
Егылып кала идек чанадан.
Аларның да инде кайберләре
Китеп барды безнең арадан.
Дуслар китә, чәчләрдә чал
Бетеп бара инде саулыклар.
Ябынчымда үткән балачакны
Хәтерләтә хәзер оныклар.
Житмеш яшьне инде вакласам да
Күңелем әле һаман яшь минем.
Язлар белән кире кайтыр кебек
Авылымда үткән яшьлегем.

Талия Латыйпова, Олы Әтнә -Ябынчы