Татар моңы яшәргә тиеш

Чагыштыру. Әтнәгә Фирдүс Тямаев елга берничә тапкыр килә.Тамашачыны үзенең үзенчәлекле сикерүе беләнме,әллә теленә салынуы беләнме әсир итә - тавышы чамалы булса да,тулы заллар җыя.Соңгы килүендә нәкъ үзе кебек сикерә торган дүрт яшьлек бер сабыйны да иярткән. Әле генә Әтнәгә Филүс Каһиров та килеп концерт куеп китте.Көчле,моңлы,матур тавыш.Татар халык җырларын да,хәзерге эстрада җырларын да зур осталык белән башкаручы,татар җырының киләчәге булган, сәхнә культурасына ия җырчыны тыңларга халыкның,бигрәк тә яшьләрнең азрак килүе миңа бик гаҗәп тоелды. Бу чын парадокс. Шуннан соң мин, хәзерге сәнгатьне бөтенләй аңламыйм икән инде дигән фикергә килдем.