Әтнә таңы

Әтнә районы

18+
2024 - Гаилә елы
Җәмгыять

Татарстан Министрлар Кабинеты республикадагы айныткыч хезмәтләренең бәясен билгеләде

2021 елда махсус учреждениедә бер көн «утырып» чыгу 614 сумга якын тәшкил итәчәк.

(Казан, 29 сентябрь, «Татар-информ»). Татарстан Министрлар Кабинеты республика айныткычларындагы бер көннең бәясен билгеләде. Шул хактагы карарны ТР Премьер-министры Алексей Песошин имзалаган.

«Махсус учреждениеләрдә җәмәгать урыннарында исерек хәлдә йөргән, мөстәкыйль рәвештә хәрәкәтләнү һәм әйләнә-тирәдә ориентлашу сәләтен югалткан, медицина ярдәме күрсәтүгә мохтаҗ булмаган затларга хезмәт күрсәтүнең норматив бәясен билгеләргә», - диелә документта.

2021 елда махсус учреждениедә бер көн «утырып» чыгу – 613,53 сум, 2022 елда – 615,02 сум, 2023 елда 616,55 сум тәшкил итәчәк.

Шул ук вакытта, коэффициент һәр муниципалитетта аерылып торачак. 2021 елда ул Чаллыда – 1,080453, Казанда – 1,080609, Азнакай, Әлмәт, Бөгелмә, Алабуга, Зәй, Лениногорск, Түбән Кама һәм Чистай районнарында – 1,729984, Яшел Үзән районында 1,793439га тигез булачак.

Карарда шулай ук республика айныткычларындагы урыннар саны да билгеләнгән. Казандагы махсус учреждениедә – 40, Чаллыда – 20, муниципаль районнарда ун урын каралган.

 Чыганак: https://tatar-inform.tatar/news/society/29-09-2020/tatarstan-ministrlar-kabinety-respublikadagy-aynytkych-hezm-tl-rene-b-yasen-bilgel-de-5775004

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев