Татарстан Президентының еллык юлламасы туры эфирда күрсәтеләчәк

(Казан, 13 сентябрь, "Татар-информ", Лилия Локманова). Татарстан Президенты Рөстәм Миңнехановның еллык юлламасы туры эфирда күрсәтеләчәк.

Шулай ук аны радиодан да ишетергә мөмкин булачак. Бу хакта бүген Татарстан Республикасы Дәүләт Советы президиумы утырышында парламент сәркатибе Лилия Маврина хәбәр итте. Аның сүзләренчә, чарага 700 кеше чакырулы. Билгеле булганча, Президентның еллык юлламасы 21 сентябрьдә 10.00 сәгатьтә Салих Сәйдәшев исемендәге Зур концертлар залында яңгыраячак.

Чыганак: http://tatar-inform.tatar/news/2017/09/13/148201/