Татарстан районнарының сайлау участокларында гриппка каршы прививка ясарга була

Алексеевск районында эпидемиягә каршы чара беренче тапкыр үткәрелә. Алексеевск РҮХенең (ЦРБның) баш табибы урынбасары Айдар Галиев билгеләп үткәнчә, эпидемиягә каршы чара Алексеевск районында беренче тапкыр үткәрелә.

"Гриппка каршы прививканы медицина хезмәткәрләре булган барлык сайлау участокларында да алырга була, мәсәлән, мәктәпләрдә. Әгәр алар юк икән, без гриппка каршы вакцинация ясау буенча мобиль прививка бригадасы белән чыгабыз. Бу район халкына грипп вирусыннан саклану өчен яхшы мөмкинлек".

Грипптан прививканы Алабуга районының кайбер сайлау участокларында — 3 нче һәм 8 нче мәктәпләрдә, шулай ук 4 нче гимназиядә ясарга мөмкин. Биредә вакцинацияне мәктәпләрнең сәламәтлек саклау пунктларында үткәрәләр.

Алабуга районында ТР Дәүләт Советына депутатлар сайлауда тавыш бирү актив бара. «7.00 сәгатькә тавыш бирергә теләүчеләрдән чират җыелган иде, - дип сөйләде 1404 нче участок сайлау комиссиясе рәисе Галина Калашникова. - Безнең участокта активлык һәрвакыт яхшы дәрәҗәдә. Иртә таң гына булса да, сайлауларда халык актив катнашты, нигездә, алар эшкә барырга, авылга, бакчаларга барырга тиешле яшьләр. Барлык партияләрдән һәм участоктагы барлык кандидатлардан күзәтүчеләр, киңәш бирү тавышы хокукы белән комиссия әгъзалары катнаша».

Исегезгә төшерәбез, Татарстанда 8 сентябрьдә Бердәм тавыш бирү көне уза. Республика халкы ТР Дәүләт Советы депутатларын сайлый. 100 депутат мандатына сигез сәяси партиядән 430 кандидат, шулай ук үз-үзләрен күрсәтүче кандидатлар дәгъва кыла. Сайлаулар сайлаучыларның күп килүе белән үтә. Тавыш бирүне 103 төбәк һәм федераль ММЧ яктырта. Сайлауларның үтәкүренмәлеген күзәтүчеләрнең зур корпусы күзәтә: аерым участокларда 25 кешегә кадәр.

https://pixabay.com/ru/