Әтнә таңы

Татарстанда республика сөтчелеген үстерү программасын төзү буенча эшче төркем оештырылган

Белгечләр, сөтчелекнең торышын өйрәнү максатыннан, республика хуҗалыклары эше белән танышачак.

(Казан, 25 июль, «Татар-информ»). Татарстанда республика сөтчелеген үстерү программасын төзү буенча эшче төркем оештырылган, дип хәбәр итә Татарстан Авыл хуҗалыгы һәм азык-төлек министрлыгы матбугат хезмәте.

Эшче төркем составына Сөт җитештерүчеләрнең халыкара союзы («Союзмолоко») идарәсе рәисе Андрей Даниленко, «Союзмолоко» башкарма директоры Артем Белов, Татарстан авыл хуҗалыгы һәм азык-төлек министры урынбасары Нәҗип Хаҗипов, Татарстан сөт җитештерүчеләре союзының генераль директоры Денис Пирогов, «Стреда Консалтинг» җәмгыятенең генераль директоры Алексей Груздев, Татарстан Авыл хуҗалыгы һәм азык-төлек министрлыгы, «Татарстан Авыл хуҗалыгы һәм азык-төлек министрлыгының терлекчелектә нәсел эше идарәсе» оешмасы, республика Министрлар Кабинеты каршындагы Ветеринария баш идарәсе белгечләре һәм башкалар керә.

«Хәзер без сөтчелекнең торышын өйрәнү максатыннан республика хуҗалыкларына чыгабыз», - дип сөйләде министрлыкның терлекчелек өлкәсе үсеше бүлеге начальнигы урынбасары Гөлүс Баязитов.

Экспертлар республиканың Биектау, Балтач, Кукмара, Балык Бистәсе, Саба һәм Питрәч районы хуҗалыкларының эше белән танышырга уйлый.

Реклама

Чыганак: http://tatar-inform.tatar/news/2017/07/25/145072/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: