Әтнә таңы

Татарстанда соңгы тәүлектә коронавирус инфекциясе йоктыруның 35 яңа очрагы ачыкланган

Авыру тарала башланганнан бирле республикада «коронавирус инфекциясе» диагнозы 7584 тапкыр куелган.

Татарстанда соңгы тәүлектә Covid-19 коронавирус инфекциясе йоктыруның 35 яңа очрагы ачыкланган, аларның барысы да чирне башка авырулар белән аралашу нәтиҗәсендә эләктергән. Бу хакта ТР Сәламәтлек саклау министрлыгының матбугат хезмәте хәбәр итә.

«Тугыз кеше хастаханәгә озатылган, 26 кеше өендә дәвалана», - дип белдерделәр матбугат хезмәтендә.

Инфекция йоктыручыларның күбесе 30-50 яшь (13 кеше) аралыгында ачыкланган. 50-60 яшь аралыгында — сигез, 18-30 яшь аралыгында алты очрак теркәлгән.

Реклама

Коронавирус йоктыручылар санының күбесе Казанга туры килә. Биредә 20 кеше инфекция эләктергән. Чаллыда – өч, Әлмәт, Яшел Үзән һәм Кайбыч районнарында – икешәр, Югары Ослан, Биектау, Зәй, Мамадыш, Түбән Кама һәм Нурлат районнарында берәр очрак ачыкланган.

Диагностика башланганнан алып республикада «коронавирус инфекциясе» диагнозы 7584 тапкыр куелган. 6381 кеше (шуларның җидесе – узган тәүлектә) терелгән.

Чыганак: https://tatar-inform.tatar/news/health/12-10-2020/tatarstanda-so-gy-t-lekt-koronavirus-infektsiyase-yoktyruny-35-ya-a-ochragy-achyklangan-5778058 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: