Апас районы Сатмыш авылында яшәүче 37 яшьлек ир-атның 4 яшьлек улын тәрбияләү бурычларын тиешенчә үтәмәве ачыкланган. Ир-ат баланы тәрбияләмәгән, аңа карата кансыз мөгамәләдә булган, вакытында ашатмаган, баланың физик һәм психик үсеше турында кайгыртмаган. Шул ук вакытта спиртлы эчемлекләр белән мавыккан.
Нәтиҗәдә, бала күп төрле авыруларга дучар була: катараль ялкынсыну билгеләре, дизэмбриогенез стигмалары (әгъзаның анатомик корылышында тайпылышлар, 1 нче дәрәҗә гиптрофия, микрополиадения (күп кенә лимфа төеннәре зураю), нерв-психик үсеш тоткарлыгы.
Гаепле кешегә җинаять эше ачу турындагы мәсьәләне хәл итү өчен, тупланган материалларны прокуратура район полиция бүлегенә юллаган.
Ир-атка карата Россия Федерациясе Җинаять кодексының 156 нчы маддәсе (мәрхәмәтсез мөнәсәбәт күрсәтеп, ата-ананың балигъ булмаган баланы тәрбияләү буенча бурычларын үтәмәве яки тиешенчә башкармавы) буенча җинаять эше кузгатылган. Җинаять эшен тикшерү барышын прокуратура контрольдә тота.
Чыганак: http://intertat.ru
Нет комментариев