15 февральдә Татарстан Республикасы Экология һәм табигый ресурслар министрлыгында "Ачык ишекләр көне" узачак. Бу хакта ведомство матбугат хезмәте хәбәр итә.

"Һәр теләгән кеше экологларга тирә-як мохитне саклау мәсьәләләре буенча мөрәҗәгать итә ала. Гражданнарга уңайлы булсын өчен, Ачык ишекләр көне министрлыкның барлык төрриториаль идарәләрендә узачак", - диелгән матбугат хезмәте хәбәрендә.

Казан, Биектау, Югары Ослан, Яшел Үзән, Лаеш, Питрәч районнарында яшәүчеләр Казанда Үзәк территориаль идарәгә (Павлюхин ур., 75 йорт) мөрәҗәгать итә ала.

Белешмәләр өчен телефон: (843) 267-68-87. Башка районнарда яшәүчеләр Чаллы, Түбән Кама, Әлмәт, Азнакай, Чистай, Буа һәм Арчадагы териториаль идарәләргә чакырыла.

http://tatar-inform.tatar/news/2018/01/28/156903/