Башта малайны үзләре эзләп караган, таба алмагач, коткаручыларга әйткәннәр. Башлангыч мәгълүматларга караганда малай уйнарга дип, тауга барган. Ләкин 6 метрлы ерымга егылып төшкән. Шунда ук кар ишелгән һәм аны каплап киткән.

Бистә башлыгы малайны эзләргә дип 30 кешелек төркем җыйган. Яшүсмерне кар астыннан янгын сүндерүчеләр һәм коткаручылар да эзләгән. Чаллы коткаручыларын чакыргач кына махсус эзләүче буларак үстерелгән эт малайның кар астында калган урынын күрсәткән.

Кич җиткәч кенә малайны кар астыннан чыгаралар. Ул аңында булса да, бик нык өшегән була. Малайны Чаллының 2нче балалар хастаханәсенә озаталар.

Чыганак: http://tatar-today.ru/