Югары Көек кешесе өчен үз өе – төрмә булачак

Замана яңалыклары кечкенә генә бер районның кечкенә генә бер авылына килеп җитәр дип кем уйлаган. Хәер, татар авылында яшәүче ир-егет җинаятькә барыр дип тә күз алдына китерүе авыр. Тик фактларга каршы килеп булмый."Районыбызның Югары Көек авылында яшәүче бер ир затына судка кадәр өй аресты бирелде. Ул өйдән чыкмаска, телефоннан сөйләшмәскә, телевизор карамаска, интернет кулланмаска, өй эчендәгеләрдән тыш берәү белән дә аралашмаска тиеш. Кыскасы, ашый ала, үз өендә яши ала. Ялгыш кына бер адым атласа да, безгә билгеле була",- дип хәбәр итте җәза үтәтү инспекциясе башлыгы Клара Кадимова.