Әтнәдә аракы эчеп агуланучылар саны арткан

2017 елның беренче яртыеллыгында Татарстанда яшьләр арасында суррогат аракы эчеп агуланучылар саны арткан. Бу хакта Татарстан президенты Рөстәм Миңнеханов составында спирт булган продукция әйләнеше өлкәсен күзәтү буенча киңәшмәдә ачык итеп әйтте дип хәбәр итә респрублика башлыгының матбугат хезмәте.

Яшьләр арасында агуланучылар арту бик начар. 14 яшькә кадәр 22 бала һәм 14 яшүсмер шулай ук агуланучылар исемлегендә. Суррогатлар һәм шикле сыеклыкларга каршы көрәшне көчәйтү мөһим, - дип басым ясады Президент.

Гомумән алганда, Татарстанның 36 районында 349 суррогат алкоголь белән агулану очрагы теркәлгән. Бу исә узган елга караганда17,5% ка кимрәк. Агулануның 150 очрагы үлемгә китергән. Агулану очраклары белән бәйле иң авыр ситуация Әтнә, Менделеевский һәм Балык Бистәсе районнарында , - дип хәбәр итә мәгълүмат үзәге.