Әтнә таңы

Әтнә районы

18+
2024 - Гаилә елы
Җәмгыять

Әтнә асыл ирен югалтты

Ул кояш кебек иде..! Дөньяларның нурын алып, тиңсезләр китеп бара шул, Кайтмаска китеп бара... Хезмәттәшебез, район авыл хуҗалыгын үстерү һәм яшь белгечләр тәрбияләү өчен үзеннән зур өлеш керткән, вакытында "Правда", "Күшәр" колхозларын, Тукай совхоз-техникумын, "Сельхозхимия" оешмаларын җитәкләгән Наил Нәфыйк улы Әхмәтхановның 12 апрель, якшәмбе көнне, 55 яшендә гомере өзелде... Кайбер...

Ул кояш кебек иде..!

Дөньяларның нурын алып, тиңсезләр китеп бара шул, Кайтмаска китеп бара...

Хезмәттәшебез, район авыл хуҗалыгын үстерү һәм яшь белгечләр тәрбияләү өчен үзеннән зур өлеш керткән, вакытында "Правда", "Күшәр" колхозларын, Тукай совхоз-техникумын, "Сельхозхимия" оешмаларын җитәкләгән Наил Нәфыйк улы Әхмәтхановның 12 апрель, якшәмбе көнне, 55 яшендә гомере өзелде...

Кайбер кешеләр дөньядан киткәндә үзләре белән бөтен бер халәт-яшәешне алып китәләр, ул кеше яшәгән тирәлек озак еллар буена бушап кала. Наил дә безне, гаиләсен, туганнарын ятим калдырып, мәңгелеккә китеп барды. Соңгы юлга озатып кайтсак та, күңел бу олы югалтуга ышанмый, бу хушлашуны кабул итеп булмый. Аның кебек тормышны, кешеләрне ихлас яраткан, башкаларны үз үрнәгендә тәрбияләгән, энергиясе ташып торган, сәләтле, кешелекле, кечелекле, башкаларга шатлык бүләк итә белүче шәхесләр сирәк туа. Ул кояш кебек иде! Елмаеп яшәде, тыйнак итеп, якыннарына авырлык китермичә, эш калдырып йөрмәсеннәр дип, якшәмбе көнне китеп барды. Бөтен яшәеше дә - башкаларга авырлык китермәү, ярдәм итү булды - тора-тора искә төшереп сагынырбыз әле без аны...

Ә бүген, без, район авыл хуҗалыгы идарәсе коллективы, Наил Нәфыйк улының вафатын белдереп, гаиләсенең, туганнарының, якыннарының тирән кайгысын уртаклашабыз. Ходай сезгә олы сабырлык бирсен! Ә мәрхүмнең урыны җәннәтнең түрендә булсын!

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев