Әтнәнең Кышлау авылында өлкәннәрне зурладылар

Өлкәннәр көне уңаеннан җирлектә яшәүче олы яшьтәгеләргә күчтәнәчләр тутырылган пакетлар өләштеләр. Ә икенче көнне барлык өлкәннәрне Кышлау авылы мәдәният йортына чәй өстәле артына җыйдылар. Табын сый-нигъмәттән сыгылып тора иде. Монда үзара аралашып, җырлап-биеп күңел ачтык. Безне, өлкәннәрне шулай зурлаганнары өчен Кышлау авыл җирлеге башлыгы Рәхинә Шакировага, мәдәният хезмәткәрләренә һәм "Таң" күмәк хуҗалыгы җитәкчесе Алмаз Сибагатуллинга олы рәхмәтебезне җиткерәбез... Бу хәбәрне Кышлау авылында яшәүче хәбәрчебез Рәйсә Зарипова җиткерде.