Әтнә таңы

Әтнә балалары өчен һәркем җаваплы

23 марттан укучыларның көтеп алган язгы каникуллары башланып китте. Уку елының иң озын чиреге тәмамлану бер сөенче булса, көннәрнең дә җылы, кояшлы булуы икенче яктан куандыра. Бала- чага мондый көннәрне билгеле инде, урамга тартыла. Уйныйсы, шаярасы килә. Хәзер юллар да кардан арчылды, велосипедта рәхәтләнеп чапасаң да була. Әмма шул ук...

23 марттан укучыларның көтеп алган язгы каникуллары башланып китте.

Уку елының иң озын чиреге тәмамлану бер сөенче булса, көннәрнең дә җылы, кояшлы булуы икенче яктан куандыра. Бала- чага мондый көннәрне билгеле инде, урамга тартыла. Уйныйсы, шаярасы килә. Хәзер юллар да кардан арчылды, велосипедта рәхәтләнеп чапасаң да була. Әмма шул ук вакытта юл хәрәкәте кагыйдәләре турында да онытмасыннар иде. Әлеге кагыйдәләр турында һәрдаим мәктәпләрдә аңлату эшләре алып барыла. Тик бу гына җитми. Әти-әниләрнең дә әлеге мәсьәләгә карата игътибарлы булулары сорала. Балаларның юлларда куркынычсызлык кагыйдәләрен төгәл үтәүләре өчен иң беренче чиратта алар җаваплы бит. Ваемсызлык еш кына үкенечле нәтиҗәләргә китерә. Шул хакта ЮХИДИ инспекторы Фәнил Муллагалиев белән сөйләшәбез.

Реклама

- Узган 2014 елда районда балалар белән бәйле ике юл- транспорт һәлакәте теркәлде, аларда ике бала зыян күрде. Бу һәлакәтләрнең берсе - машина йөртүче гаебе белән булса, икенчесендә бала юл аша тиешле урыннан чыкмау сәбапле, зыян күрде. Агымдагы елның ике ае эчендә республикада балалар катнашында 64 юл һәлакәте теркәлгән. Аларда ике бала үлгән, ә 68 бала тән җәрәхәте алган. Бу уңайдан шуны да әйтәсе килә,19-30 март көннәрендә балаларның юлларда травма алуын кисәтү максатыннан республика юлларында " Бала - төп пассажир" операциясе башланып китте.

Аллага шөкер, безнең районда быелга мондый һәлакәтләр теркәлмәде. Була да күрмәсен. Әмма шуңа да карамастан, уяулыкны югалтырга ярамый. Язгы каникул көннәрендә инспекторлар тарафыннан балаларның юл кагыйдәләрен үтәве тикшереләчәк. Кагыйдә бозучы балаларга махсус карточкалар төзелеп, алар укыган мәктәпләргә бу балалар белән эшләү өчен өстәмә күрсәтмәләр җибәреләчәк. 12 яшькә кадәрге балаларны махсус утыргычларда утыртып йөртүгә дә аерым игътибар бирелә. Бүгенге көнгә мондый очраклар буенча ике протокол төзелде. Әти-әниләр штраф күләменең 3 мең сум булуын да онытмасыннар иде.

Каникул көннәрендә ЮХИДИ инспекторларының мәктәпләрдә укучылар белән очрашулары да планлаштырыла. Газета белән берлектә игълан ителгән бәйгедән дә укучы балалар читтә калмас дип өметләнәбез. Редакциягә "Бәйгегә" тамгасы белән шигырьләр килә башлады инде. Аларга нәтиҗә каникул беткәннән соң ясалачак. Әле вакыт бар.Шигырьләрегезне редакциянең электрон почтасына, сайттагы ачык битебезгә җибәрә аласыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: