Әтнә басу-кырларына күптән көткән кар ява башлады

Декабрьнең яңгырлы һәм җылы һавасы, чын мәгънәсендә, куркуга салды. Уҗым культуралары "җылы тун", ягъни, кар катламы белән капландылар да, кыш уртасында, тиздән суыклар башлана дигәч кенә, кар күзгә күренеп кими башлады. Шуны гына көткәндәй, метеорологлар алдагы көннәрдә салкыннар вәгъдә итә башладылар. Бу исә уҗымнарның өшүенә китерергә мөмкин иде. Шөкер, һава торышы фаразлаучылар чираттагы тапкыр ялгыштылар бугай. Артык салкыннар күренми, Америкага киткәннәр ахыры, соңгы көннәрне кар да ява башлады.