Әтнә белгечләре имтихан тапшыра

Нинди бетмәгән имтихан инде бу дияргә ашыкмагыз, бу юлы коммуналь хуҗалык белгечләре белемнәрен күтәрә. Алар арасында электромонтер, баш инженер да бар. "Ягулык сезонына әзерләнәбез, белемеңне күтәреп, замана технологиясен өйрәнеп тормасаң авыл җирендә дә эшләп булмый хәзер. Әле генә чикләнмәгән вакытка бирелгән өч лицензия алып кайттык. Берсе- көнкүреш калдыкларын чыгарыла торган полигонга, икенчесе- идарәче компания өчен, өченчесе куркыныч объектларда эшләргә рөхсәт бирә", - ди коммунал хуҗалык җитәкчесе Рамил Сәфәров.