Әтнә егете Илназ Гәрәев әти-әнисенә сәлам юллый

  Булачак солдатлар хезмәт итәргә төрле төбәкләргә менә шушыннан китә. Монда бүгенге көндә йөзләгән призывник китү көнен көтә. Булачак солдатлар гына түгел районнардан җыелган хәрби комиссарлар да шушында. Алар призывниклар белән шөгыльләнә. Арча-Әтнә хәрби комиссары Алмаз Әгъзәм улы Борһанов та бу атнада монда эшли. "Призывниклар китү көненә әзер. Алар киткәнче бу пунктта да шөгыльләнүләр-өйрәнүләр, аңлату эшләре алып барыла. Әтнә районыннан да ике призывник бар. Егетләр хәрби хезмәткә коронавирус шартларында алынганга, маска-перчатка киеп китә. Саклану тәртипләре аңлатылды",- ди хәрби комиссар.