Әтнәләр Илфат белән хушлашты

Картлар үлем көтә, яшьләр үлеп китә. Соңгы елларда арабыздан нәкъ менә тормыш сукмагына яңа аяк басканнарның вакытсыз гүргә керүләре күңелләргә шом сала. Бәйрәм ялларында яшь егетнең үлеме районыбызның бар халкын тетрәндерде. Көтмәгәндә, йөгереп йөргән җирдән... үз машинасында.

Чишмәле Сап авылы егете Илфат Марат улы Сабировның үлем хәбәренә ышана алмый, кабул итә алмый тилмерүчеләрнең чиге булмаган күк, аның белән саубуллашучылар да бихисап. Социаль челтәрдә аңа багышланган язмаларны укыганда да җан меңгә теленә. Ана йөрәге, ата йөрәге ничекләр күтәрер... АллаҺы Тәгалә утын биргәнгә суын да бирсен, дип телик.

Без, "Әтнә таңы" газетасы редакциясе коллективы Илфатның вакытсыз вафат булуы сәбәпле, аның әти-әнисенең, туганнарының , якыннарының тирән кайгысын уртаклашабыз. Бу кайгыны күтәрергә Сезгә Аллаһы Тәгалә сабырлык бирсен, ә Илфатның урыны җәннәттә булсын.

Сезнең игътибарга дусларының шигырен тәкъдим итәбез.