Әтнә егетенең күз яше нигә түгелгән

*** Мин ышанган идем...***

Мин ышанган идем сөюләргә,
Язлар кебек ихлас булыр дип...
Сүнмәс кебек иде йөрәкләрдә,
Дөрләп янган сөю уты...Тик...

Җилләр керде салкын,араларга,
Өшеттеләр сөю гөлләрен...
Ап-ак карлар күмде мәхәббәтне,
Калды бары сагыш төннәрен...

Сүнде ялкын...Бозга әйләнделәр,
Йөрәктәге хисләр сүрелде...
Җан әрнүе кайнар яшьләр булып,
Тамчы-тамчы күздән түгелде...

Мин ышанган идем сөюләргә,
Алдандым мин ахры,түгелме...?
Гөлләр генә сулмый,мәхәббәт тә,
Була икән кыска гомерле...
(Азат Хакимзянов...03.05.2016 ел...)