Әтнә егетләрен озаттык

Ике районга 103 егетебезне армиягә хезмәт итәргә озаттык. "Соңгы егетебез хәрби комиссариаттан 26 июнь көнне китте. Егетләребезнең кайсы кайда хезмәт иткәнлекләре август айларында билгеле була. Әле частьләргә барып урнашасы бар. һәркайсы хезмәт итәчәк часть белән элемтәгә керәчәкбез, әти-әниләр белән дә элемтәдә торырбыз. Моңа өстәп, контракт буенча хезмәт итәргә Арчадан 11 егет китте", - дип хәбәр итә ТР хәрби комиссариатының Арча һәм Әтнә районнары начальнигы Алмаз Борһанов.

Белми калмагыз, бүгенге көндә комиссариат хәрби училищеларга яшүсмерләрне җыю белән мәшгуль. Бу уңайдан ике районда яшәүче ике меңнән артык чыгарылыш укучысына хат юллаган алар.