Әтнә китапханәчеләре җиңүче

Китапханәчеләребез турында тагын бер яхшы хәбәр: Республика балалар китапханәсе игълан иткән якташ язучылар исеме белән "Туган ягымны данлыйм" электрон тәкъдир итү бәйгесендә районыбыз китапханәчеләре дә актив катнашты һәм җиңү яулады. Самат Шакир иҗатына багышланган "Күәмнәрдә минем туган җирем"тәкъдир итү бәйгесендә катнашып, Күәм китапханәчесе Луиза Вафина лауреат исеме алды. Хәкимҗан Халиков иҗаты буенча "Бала җанлы шагыйрь" дип исемләнгән тәкъдир итүе өчен, Яңа Шашы китапханәчесе Надия Нәҗмиева икенче дәрәҗә диплом белән бүләкләнде.