Әтнә китапханәсенә 40 исемле газета-журналлар киләчәк

Китапханә өчен киләсе 2016 нчы ел өчен вакытлы матбугатка язылу тәмамланды.

- Китапханәбезгә барысы 40 исемдә газет-журналлар киләчәк. Вакытлы матбугатның күп булуы китапханәбезгә укучыларны көннән-көн күбрәк җәлеп итә. Бигрәк тә газет журналлар укырга урта яшьтәге һәм өлкән буын укучыларыбыз тартыла. Урта яшьтәге хатын-кызларыбыз "Татарстан яшьләре", "Акчарлак", "Ирек мәйданы", "Хозяйство", "Приусадебное хозяйство", "Цветок", "1000 советов" газет журналларны яратып укысалар, өлкән буын күбрәк татар телендә чыгучы "Ватаным Татарстан", "Сөембикә", "Казан утлары", "Идел", " Мәйдан", "Гаилә учагы", "Чын мирас" ны үз итәләр. Ир егетләребез исә "За рулем", "Чаян", "Тайны ХХ века", "Вокруг света", АиФ" ка өстенлек бирәләр. Хөрмәтле укучылар! Сезнең барыгызны да яңа 2016 елда да китапханәбездә көтәбез. Көндәлек яңалыклар белән даими танышып барып, заман белән бергә атлагыз!- диләр китапханәчеләребез.