Әтнә кызлары - республикада дүртенче

Спартакиада кысаларында Питрәч районында узган республика буенча баскетбол ярышларында Әтнә кызларының җыелма командасы дүртенче урынга лаек булды. Шундый ук ярышларга егетләр командасы да китте. Ә бадминтон буенча егет-кызларыбыз Алабуга шәһәрендә көч сынашачак. Иртәгә исә Комыргуҗа мәктәбендә "Шахтер" хуҗалыгы призына 1999 һәм аннан да яшьрәкләр арасында көрәш бәйгесе узачак. Шулай ук оешмалар арасындагы спартакиада кысаларында футбол ярышлары да төгәлләнде. Беренче урында полиция егетләре командасы, икенчедә - Чишмәле Сап " сөтчеләре", өченче урында исә спорт оешмасы командасы. Әлеге ярышлар теннис, гер күтәрү, кул көрәше һәм башка төрләр буенча дәвам итәчәк.