Әтнә кызлары Йолдыз белән Диләне бүләкләделәр

"Парклар маршы-2015"тә катнашып, җиңү яулаган укучыларыбыз турында байтактан язабыз. "Бүләкләр һаман кайта әле, моңа кадәр дә котладык, тагын котларга язсын, бу юлы тагын ике кызыбызга бүләк тапшырабыз. Күңгәр мәктәбенең 11 сыйныф укучысы Йолдыз Хәйруллина - "Туфрак - бәһасез табигый мирас" өчен- кызыксындыру дипломы, Күлле Киме урта мәктәбенең 4 сыйныф укучысы Дилә Нуриева "И кадерле газиз туфрагым!" дигән хезмәте белән өченче урын алган өчен Татарстан Республикасы урман хуҗалыгы министрлыгының дипломы белән бүләкләнде. Кызларны бүләкләре белән котларга килдек...", - дип сөенә-сөенә хәбәр иттеләр "Ашыт" тыюлыгы инспекторлары Рәшит Әхмәтҗанов белән Рамил Сабиров.