Әтнә кызы "Алтын каләм"дә

Яшь каләмчеләр газеталар чыгарырга да, телевизион сюжетлар, фоторепортажлар төшерергә дә өлгерде, радио алып баручылары буларак та үзләрен сынады. Татар һәм рус матбугатына икешәр редакция оештырылган иде: "Оекбаш", "#Әстәгъфирулла"; "СвоиМИ глазами", «Team's team". Телетапшырулар "AK.COM" дип аталса, бары тик кызлардан гына тора торган төркем катнашучыларны "Сәлам, Каләм!" исемле радио аша сәламләделәр. Каләмчеләр Зөя шәһәренә, IT-парк һәм Журналистлар берлеге музеена да сәяхәт кылды. Аннан кала, катнашучылар танылган шәхесләрнең мастер-классларында һәм лекцияләрендә дә булды.

Бу хакта безгә "Алтын каләм" фестивалендә булып кайткан, әлеге вакытта Болгарда ял итүче хәбәрчебез, Күңгәр урта мәктәбе укучысы Рәзилә Газизова сөйләде. Тулырак итеп лагерьдан кайткач язарга вәгъдә бирде.