Әтнә кызы бәйгедә 2 урын алды

Һөнәри уку йортлары арасында кондитерлык эше буенча һөнәри осталыкны ачыклауга багышланган республика конкурсы иде бу. Бәйгедә техникум студенты Миләүшә Гайнетдинова да катнашты, әйтергә кирәк, уңышлы чыгыш ясады. Үзенең чын оста булуын күрсәтте, 2 урын яулады. Бу хакта Габдулла Тукай исемендәге авыл хуҗалыгы техникумының директор урынбасарлары Фәридә Хәсәнова һәм Резеда Гарипова куанып хәбәр иттеләр. Студент кызны ихлас котлап, киләчәктә дә уңышларга ирешүен телибез.