Әтнә өлеше - 3,7 процент

Районның күмәк хуҗалык сыерларыннан көн саен уртача 19,4 килограмм сөт савалар. Республикада иң зур күрсәткеч бу. Татарстан авыл хуҗалыгы министрлыгының оператив мәгълүматларына караганда, 23 июльгә бездәге тулай савым 131 тонна тәшкил итте. Узган елның шушы ук көн күрсәткеченнән 7 тоннага артык. Тагын бер күрсәткеч буенча алда барабыз: авыл хуҗалыгы җирләренең бер гектарына 2,44 килограмм сөт савып алынды. Кыскасы, бу көнне Татарстанда савылган 3510,7 тонна сөтнең 3,7 %ы - Әтнә өлеше.