Әтнә өлеше дә бар

Казандагы ярминкәләр саны әлегә 8 генә. Аларны 40ка җиткерергә уйлыйлар.

Шәһәр мэриясендә узган киңәшмәдә шул хакта сөйләделәр. Башкала мэры Илсур Метшин бу ярминкәләрнең шәһәр халкы өчен бик мөһим булуын ассызыклады. Чөнки биредә арзан бәядән төрле ашамлыклар алу мөмкинлеге бар. Өстәвенә ярминкәдә җитештерүче белән кулланучы турыдан-туры очраша.

Исегезгә төшерәбез, авыл хуҗалыгы ярминкәләре 5 сентябрьдән бирле дәвам итә. 18 октябрьгә 7 ярминкә уздырылды. Биредә авыл халкы 227 миллион сумлык товар сатты. Шөкер, биредә әтнәләр өлеше дә бар.