Әтнә өлкәннәренең күңелләре булган

Районыбызның бер төркем өлкәннәре Кәрим Тинчурин театрына күренекле татар драматургы Туфан Миңнулинның "Төш" спектаклен карап кайтты. Әлеге сәфәрне "Наз" хәйрия фонды белән берлектә " Изгелек" халыкка социаль хезмәт күрсәтү бүлеге оештырды. " Шундый матур бүләк хәзерләгәннәре өчен социаль хезмәт күрсәтү бүлегенә, ветераннар советы рәисе Мингазиз Зиннәтовка, "Наз" фонды җитәкчеләренә, автобус белән тәэмин иткәннәре өчен район мәдәният бүлегенә бик рәхмәтлебез. "Изгелек"тән Гөлшат Галимҗановага, автобус йөртүче Фәнис Фазылҗановка да иң изге теләкләр. Шундый хөрмәт күрсәткәннәре өчен үзләре дә игелек күрсеннәр", - дип куанып хәбәр итте безгә Олы Мәңгәрдән Хәлимә апа Закирова.