Әтнә мәктәпләре уку елына әзерләнә

Каникуллар да ахырына якынлаша. Бу уңайдан барлык мәктәпләрдә дә хәзерлек эшләре тәмамланып килә. Белем йортларының яңа уку елына әзерлеген мәгариф, янгын күзәтчелеге, санэпид бүлекләре белгечләре тарафыннан тикшерү үтә. Август конференциясенә әзерлек эшләре дә башланып китте. Аның кысаларында мәктәп җитәкчеләренең беренче секция утырышы Олы Әтнә мәктәбендә башланып китәчәк. Соңрак әлеге эшне предметлар буенча укытучылар өчен секцияләр дәвам итәчәк. Ә мәгариф хезмәткәрләренең пленар утырышы ай ахырында - 24 августта булыр дип көтелә.