Әтнә мәктәпләренең рейтинг нәтиҗәләре билгеләнде

Мәктәпләрнең рейтинг нәтиҗәләре билгеләнде

Узган 2014 - 2015 уку елы нәтиҗәләре буенча мәгариф бүлеге тарафыннан район мәктәпләре рейтингы әзерләнде.

Әлеге рейтингның максаты: район мәктәпләрендә белем бирүнең сыйфатына комплекслы бәя бирү. Рейтингның бурычлары исә түбәндәгеләрдән гыйбәрәт:

- педагогик коллективларның белем бирүне камилләштерүгә мотивацияләрен үстерү;

- белем бирү оешмаларында белем бирү процессын оештыру дәрәҗәсен күтәрү;

- белем бирүнең сыйфаты һәм нәтиҗәлелеге турында дифференциаль һәм төрле яклы, шул исәптән педагогларның профессиональ уңышлары турында мәгълүмат алу.

2014-2015 уку елы нәтиҗәләре буенча башкарылган рейтингта урта гомуми белем бирү мәктәпләренә белем бирү оешмалары буларак эффективлылыкка бәя бирелде. Критерийлар түбәндәге төп юнәлешләр буенча төзелде:

- укучыларның белем сыйфаты;

- милли мәгариф;

- сәләтле балалар белән эш системасы;

- тәрбия эше;

- куркынычсызлыкны тәэмин итү һәм сәламәтлекне саклау эшчәнлеге;

- кадрларның үсеш сыйфаты.

Соңыннан рейтинг нәтиҗәләре буенча белем бирү оешмаларына рейтинг коэффициенты бирелде.

Рейтингны формалаштыру барлык критерийларның балларын бергә кушу нәтиҗәсендә килеп чыкты.