Әтнә районы башлыгы хатын-кызларны бәйрәм белән котлый

Хөрмәтле хатын-кызларыбыз!

Бу чаклы садәлек кайлардан килгәндер?-

Сез җирдә, мөгаен, аяклы гөлләрдер.

Яктырып-балкытып торасыз җаннарны,-

Әллә сез бәхеткә гомерлек таңнармы?

Яз аһәңенә тәңгәл бәйрәмебез - Халыкара хатын-кызлар көне якынлаша. Җанга җылылык, мәрхәмәт иңә. Яшәвебезгә ямь бирүче, тормышыбыздагы бетмәс мәшәкатьләрне үз иңендә тартучы, балаларыбызны тәрбияләүче, ара-тирә төн йокылары да күрмәүче хатын-кыз әниләребезгә тиешле хөрмәтне күрсәтәсе килә. Замана ыгы-зыгысы белән Сезгә игътибарыбыз да җитмидер... Ә Сез һаман елмаясыз, һаман безгә ярдәм кулы сузасыз...

Районыбыз - авыл хуҗалыгы районы, терлекчелек тә, игенчелек тә зур көч таләп итә. Бу тармакта хезмәт куючыларның да күпчелеге-хатын-кызлар. Ә уңышлары сөенерлек. Гомумән, кайда гына эшләсәгез дә, Сезнең тырыш хезмәтегез, өлгерлегегез, сабырлыгыгыз сокландыра, ара-тирә гаҗәпләндерә дә... Шундый көчле, тырыш булганыгыз, олы җаныгыз өчен рәхмәт! Бәйрәмегез мөбарәк булсын, сау-сәламәт булыгыз! Һәркайсыгызга гаилә бәхете насыйп булсын, балаларыгызның, оныкларыгызның игелеген күрергә язсын!

Сезгә карап сокланабыз, күңелләрдә бары горурлык.

Рәхмәт Сезгә, әле ярый Сез бар,

Бу дөньяда үрнәк булырлык!