Әтнә районы башлыгы призына - хоккей ярышы

Бүген, 25 февраль көнне, Әтнә районы башлыгы Габделәхәт Гыйлемхан улы Хәкимов призына хоккей ярышы булды.

Кубок өчен Олы Әтнә бозында 6 команда : Әтнә, Күәм, Мәңгәр, Бәрәскә, Яңа Әтнә, Яңа Шашы командалары көрәште. Һәр команданың - үз осталыгы.

Киеренке барган ярышның җиңүчесе булып, Бәрәскә командасы калды. Район башлыгы призы- Кубок Бәрәскәгә китте.

Икенче урында - Әтнә,

өченче урында - Күәм,

дүртенче урында - Олы Мәңгәр командасы.

Җиңүче командалар уенчылары медальләр, Дипломнар белән бүләкләнделәр.

Котлыйбыз сезне, ир-егетләр!