Әтнә районында 2013тә 10 ел эчендә иң күп гаилә корганнар

"Әлеге күрсәткеч Апас районындагы кебек. Ә бу район халык саны буенча Әтнәдән күпкә күбрәк", - диде ЗАГС бүлеге җитәкчесе Гөлфия Рәхимова.
2013 елда барысы 105 пар гаилә корган, ә 2012 елда бу сан 77 генә булган. Моннагн тыш, 27 пар аерылышкан (2012 - 30), 137 сабый якты дөньяга аваз салган (122), 225 кеше бакыйлыкка күчкән (207). Загс бүлегеннән 312 кеше кабат таныклык алгын, 413 кеше белешмәләр һәм рәсми документлар алган. 2014 елда иң беренче гаилә коручылар Ары авылыннан Әхмәтҗановлар булган.