Әтнә социаль хезмәте ярдәм кулы суза

Халыкка социаль хезмәт күрсәтү үзәге хезмәткәрләре агымдагы елның бүгенге көненә бик күп социаль яктан авыр хәлдә, ялгыз яшәүче һәм күп балалы гаиләләрдә булып, аларның тормыш итү дәрәҗәләрен күзалларга өлгерделәр. Оешма җитәкчесе: "Районда 7 социаль гаилә бар - барысын да йөреп чыктык. Моннан тыш 5 авыл җирлегендә, теркәлгән 125 күп балалы гаиләләрнең 90ында булдык", - дип таныштырды. Аңлашылганча, аларда махсус хезмәтләрнең телефон номерлары язылган буклетлар калдыралар, янгын куркынычсызлыгы таләпләре үтәлешен күз уңында тоталар.