Әтнә спортчылары зур уңышлар белән кайтты

Республикада узасы спартакиада кысаларында Арчада волейбол, теннис, футбол, бадминтон буенча ачык турнир узды.

Ярышлар төрле яшь аралыклары буекнча узды. шунысы шатландыра, районыбызның яшь спортчылары зур уңышлар белән кайттылар.

Футбол уены 2005-2006 елгы егетләр арасында узып, Әтнә спорт мәктәбе командасы 1 урынга лаек булды.

Волейбол уеннары 2001-2002 елгыкызлар, егетләр арасында үтте. Биредә әтнәләләр 2 урынны алды. Тенниста 2003-2004 елгылардан торган команда 3 урынга лаек булдылар. 2002-2003 елгылар арасында узган бадминтон уеннарында да әтнәләргә җитүче булмады. безнең спортчылар беренче урында.

Тренерлары Таһир Вәлиуллин, Нәкыйп Мәгъсүмов, Илдар Әхмәтов, Фаил Гәрәев. Алга таба да бары тик уңышлар гына юлдаш булсын әтнәләргә.