"Әтнә таңы"- салондагы кешенең башы һәм куллары өзелгән

Кичә шул ук М-7 трассасының Питрәч районына караган юлында өч кешенең үлеменә китергән юл һаләкәте булган. ВАЗ-2110 машинасының йөртүчесе руль белән идарә итә алмыйча, каршы як полосага чыга һәм "Лада Ларгус" машинасы белән бәрелешә, соңыннан FOTON грузовигына килеп бәрелә. Юл һаләкәте нәтиҗәсендә ВАЗ 2110 ның йөртүчесе һәм пассажиры шунда ук һаләк була. Шулай ук "Ларгус" йөртүчесе дә урында җан бирә, пассажиркасы хастаханәгә озатыла. Шаһитлар әйтүенчә, юлда ВАЗ 2110 ның йөртүчесе юлда "кыланып" барган. Бәрелү шулкадәр көчле булган ки, "унлы" урталай өзелгән, ә салондагы кешенең башы һәм куллары өзелгән.