"Әтнә таңы" - Әтием ник онытылган?

Үзем Югары Шашы авылында туып үстем. Мин - 1911 елгы әтием Әхмәтгали Сәфәргалиевнең кече кызы.Район үзәгенең уртасында сугышта булган ветераннарның фоторәсемнәреннән Бөек Җиңүнең 70 еллыгына багышлап баннер ясап куйдылар. Минем әтиемнең дә фотосын сорап алганнар иде аңа. Баннерны куюга, мин дә шул фотолар арасыннан әтиемнең фотосын эзләдем, ләкин тапмадым, чөнки...
Үзем Югары Шашы авылында туып үстем. Мин - 1911 елгы әтием Әхмәтгали Сәфәргалиевнең кече кызы.Район үзәгенең уртасында сугышта булган ветераннарның фоторәсемнәреннән Бөек Җиңүнең 70 еллыгына багышлап баннер ясап куйдылар. Минем әтиемнең дә фотосын сорап алганнар иде аңа. Баннерны куюга, мин дә шул фотолар арасыннан әтиемнең фотосын эзләдем, ләкин тапмадым, чөнки ул анда юк иде. Күзләремнән яшьләр тәгәрәп-тәгәрәп төште, күңелемне тыя алмадым, тимер багананы кочаклап рәхәтләнеп еладым, әзрәк эчем бушады. Ни өчен минем әтиемнең фотосын куймаганнар анда, исем-фамилиясе дә юк. Ул ялган ветеран да түгел, чып-чын сугышның әчесен-төчесен күргән бер аяксыз ветеран. Без бала вакытта чәйләрне калай тартмага салалар иде, әтиемнең шул тартма тулы медале бар иде. Хәтта ак йолдызы да бар иде. Ул аларны "Балалар, болар кирәк түгел инде", дип безгә уйнарга бирә иде. Без сорап аптыраткач, әти сугышта булганнарын сөйли иде, ул сөйләгәннәр хәтергә уелып калган: "Мин пулялар яңгыры астында калдым, күккә карасам ике яктан пулялар оча иде, мин шунда яраландым. Шул аяк белән, 40 километр, ял итә-итә, шуышып бардым. Төн караңгы, кайсы якка барырга да белмим, ике яктан да ут ачалар. Озак уйларга вакыт аз иде, чөнки күп кан югалттым. Шуыша торгач, күктә яктылык сизелә башлады, шул вакытта колагыма русча сөйләшкән тавышлар ишетелде. Шатлыгымның чиге юк иде, ниһаять барып җиттем. Үзебезнекеләр булган икән, алар мине танып, күтәреп алдылар, госпитальгә озаттылар. Аңыма килгәндә бер аягым юк иде инде",- дип сөйли иде әти. Менә шуннан соң әтине кайтарып җибәргәннәр... Әтием тырыш, кырыс холыклы, эшчән иде. 8 бала булганбыз, дүртебез кечкенә вакытта дөнья куйган. Сугыштан соң, бер аяклы әти белән әнигә тормыш алып бару җиңел булмагандыр, ул 4 баланы карарга, тәрбияләргә, ашатырга да кирәк. Хезмәт сөя иде әти, минем аягым юк дип тормады әвендә каравыл да торды, комбайннар да аның сагында иде. Сизгерлеге, игътибарлыгы булганы өчен аны Фәйзи абый Галиев та бик хөрмәт итте. Әнием дә иртәрәк китеп барды. Исән чагында абыем белән Мәүлидә тәрбиясендә яшәде, аларның балаларын карашты. Бик тату тордылар, рәхмәт аларга. Ходай аларны тазалык белән тынычлыктан аермасын. Еллар үзенекен итте, без дә тормыш кордык, бүгенге көндә без икәү генә калдык. Бары да бар, әти белән әнине генә кайтарып булмый. Баннерда әтинең сурәтен тапмагач, чыдый алмый яздым бу язмамны. Карточкасы булмаса, китап чыгарыла, анда кертелер, дип тә юатмакчы булалар безне. Әллә керә, әллә юк. Кертелгән очракта , ул китапны ветераннар саен бирмиләр. Безнең әтиебезне дә кеше арасында күрәсебез килә, ул онытылырга тиеш түгел, чөнки әтием дә бүгенге бәхетле тормыш өчен кан койган. Язганнарым аның рухына дога булып барсын.
Иң мөһим һәм кызыклы язмаларны Татмедиа Telegram-каналында укыгыз
-
3 март 2021 - 20:154 мартка һава торышы һәм ай календаре 4 мартка һава торышы һәм ай календаре.2100
-
3 март 2021 - 19:058 мартка иң начар бүләк нинди? Шкафта тузан җыеп ятачак әйбер бүләк итмәгез.5700
-
3 март 2021 - 18:06Татарстан халкы март аенда өч көн рәттән ял итәчәк 8 Март безнең илдә эшләми торган бәйрәм көне булып санала.2900
-
3 март 2021 - 17:05Якташ шагыйрә белән җылы очрашу Күәм мәктәбендә райондашыбыз Гөлүсә Батталова белән бик җылы очрашу булып узды.5400
-
3 март 2021 - 15:55Обеспечение пожарной безопасности на объектах АПК на особом контроле Минсельхозпрода РТ В Министерстве сельского хозяйства и продовольствия РТ состоялось совещание по вопросам обеспечения пожарной безопасности на объектах агропромышленного комплекса РТ в ходе проведения сезонных полевых работ 2021 года.2000
-
3 март 2021 - 15:10Раяз "Шаян ТВ"да кунакта «ШАЯН ТВ» каналы дуслары белән җанлы очрашуларны дәвам итә.6900
-
3 март 2021 - 13:30Әтнә районы башлыгы Габделәхәт Хәкимов призына - Хоккей ярышы узды Олы Әтнә бозында Әтнә районы башлыгы кубогына Хоккей ярышы узды.10700
-
3 март 2021 - 12:06Татарстанда узган тәүлектә 49 кеше коронавирус йоктырган Шул вакыт эчендә республикада Covid-19 инфекциясенең 18 меңнән артык очрагы теркәлгән.4700
-
3 март 2021 - 11:10ӘХЛ җиңүчеләрен бүләкләделәр Гыйнвар-Февраль айларында ӘХЛ уеннары булып узган иде.8300
-
3 март 2021 - 10:15Татарстан музыка мәктәпләре илкүләм проект буенча 106 млн сумлык уен кораллары алды Республиканың 14 белем бирү учрежденисе яңа музыка уен кораллары белән тәэмин ителде.3600
-
23 декабрь 2020 - 10:02Яруллина Рамина, 8 яшь
-
23 декабрь 2020 - 10:02Сираҗиева Әдилә, 7 яшь
-
22 декабрь 2020 - 14:15Василова Алия, 1 сыйныф
-
3 март 2021 - 15:55Обеспечение пожарной безопасности на объектах АПК на особом контроле Минсельхозпрода РТ В Министерстве сельского хозяйства и продовольствия РТ состоялось совещание по вопросам обеспечения пожарной безопасности на объектах агропромышленного комплекса РТ в ходе проведения сезонных полевых работ 2021 года.2000
-
2 март 2021 - 07:55Татарстан Республикасы Авыл хуҗалыгы һәм азык-төлек министрлыгы авыл мәктәпләре укучыларын «АгроНТИ-2021» Бөтенроссия конкурсында катнашырга чакыра Татарстан Республикасы Авыл хуҗалыгы һәм азык-төлек министрлыгы авыл мәктәпләре укучыларын «АгроНТИ-2021» Бөтенроссия конкурсында катнашырга чакыра, конкурс 5 – 10 сыйныф укучылары арасында өч яшь категорияләре һәм түбәндәге биш юнәлеш буенча уздырыла:5500
-
2 март 2021 - 16:00"Әтнә таңы" ташламалар ясый8 март - Халыкара хатын - кызлар көне уңаеннан "Әтнә таңы" ташламалар ясый.14500
-
1 март 2021 - 09:17КҮҢЕЛЛЕ ӘЛИФБА #12 / "Й" хәрефе Татар әлифбасын балалар белән бергә өйрәнәбез.97100
-
1 март 2021 - 13:07Безнең Сөмбел "Запорожец"лар ярышында беренче 28 февраль көнне Арча шәһәре ипподромында "Запорожец" автомобильләрендә, әфганчы-сугышчыларның "Сугышчан туганлык" район җәмәгать оешмасы призына ярышлар булып узды.25301
-
1 март 2021 - 12:05Мәктәптә туган телне зурладылар Олы Әтнәнең башлангыч мәктәбендә туган телгә багышлап күңелле чара уздырдылар23200
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: Әтнә таңы
№ свидетельства о регистрации СМИ, дата: ЭЛ № ФС 77-73818 от 12 октября 2018 года.
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Мухамедзянова Гульнар Равилевна
Адрес редакции: 422750, Республика Татарстан, с. Большая Атня, ул. Советская, д.37
Телефон редакции: 8 (84369) 2-11-33; 2-11-34; 2-11-32.
Для сообщений о фактах коррупции atnatani@maiil.ru
Политика о персональных данных
Антикоррупционная политика