Әтнә таңы

"Әтнә таңы" – яраткан газетам

Мин үзем "Әтнә таңы"ның һәр санын яратып укыйм. Газета килүгә оныгым Мөслимә: "Әби, синең гәҗитең килде", - дип күтәреп керә. Кырык эшем кырылса да, газетаны укып алам. Кулга алу белән киләсе ел өчен күпме кеше газетага язылганын карыйм. Кызганыч, язылу бик кыенлык белән бара. Почтальоннар тырыша. Тик 285 сум акчаны...

Мин үзем "Әтнә таңы"ның һәр санын яратып укыйм. Газета килүгә оныгым Мөслимә: "Әби, синең гәҗитең килде", - дип күтәреп керә. Кырык эшем кырылса да, газетаны укып алам.

Кулга алу белән киләсе ел өчен күпме кеше газетага язылганын карыйм. Кызганыч, язылу бик кыенлык белән бара. Почтальоннар тырыша. Тик 285 сум акчаны кызганып, язылмаучылар да бар. Бүгенге әбиләр укымышлы, "Укый белмим", дип әйтә алмыйлар. Бер йортта икешәр пенсионер яши, байтак пенсия алалар. Һәм ул ай саен килеп тора. Һәр көн ай башыннан почтальоныбыз Гөлнара пенсия акчасы өләшә. Гөлнарабыз кыш көне һәркөн - чаңгыда, җәй көне җәяүләп Кушлавыч авылына төшеп алып кайта газета-журналларны. Пенсионерларның хәзер күбесе инвалид. Газетадан 2 мең инвалид барлыгын укыгач, хезмәткә яраклы кешеләр юк икән, дип уйларсың. Әле ул инвалидлар арасында эшләүчеләр дә бар. Байтак алар. Ә мөмкинлекләре чикләнгәннәр бишәү генә. Алар Ходайга һәм Хөкүмәтебезгә рәхмәтле булып яшиләр. "Әтнә таңы" газетасына да язылмый калганнары юк.

Реклама

Бу язмам белән пенсионерларга мөрәҗәгать итәсем килә. Киләсе ел өчен газета-журналларга язылганда, "Әтнә таңы" газетасына да язылыйк! Районыбызның яңалыкларын белеп тору бик күңелле бит. Бик рәхәттә яшибез. Мичкә салам ягып, саламны басудан эскерттән алып, атка төяп алып кайткан чорлар артта калды. Газ ягып җылыда утырабыз, өйләргә су кергән. Һәр йортта машина. 11 декабрь көнне пенсия бүлегенә чакырдылар. Иртән машинага утырып төштем, улым алып менде. 15 минут вакыт үтте. Юлны да чистартып торалар. Әле шул юлларда дизель тракторының арбасында, кожанга төренеп, Әтнәгә йөргән чакларны искә төшереп алдым. Олыгайган көнебезгә рәхәт чор булды. Аллаһыга рәхмәт укып, шөкерана кылып яшәргә иде дә, ләкин олылык чигенә килеп җиттек. Алдагы көннәрдә җитәкчеләргә рәхмәт әйтеп, яшьләргә сабырлык теләп яшисе генә калды.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: