"Әтнә таңы" - югалган егетне эзлиләр

Казан полиция хезмәткәрләре хәбәрсез югалган 22 яшьлек Сесин Владимир Александр улын эзли. Тумышы белән ул Татарстанның Спасс районы Бураково авылында туган. Казан шәһәренең Гаврилова урамы, 26 йорт, 56 квартирада яшәгән. Өеннән 2 апрель көнне иртән чыгып киткән булган һәм шул көннән аның кайда булуы билгесез. Тышкы кыяфәте: 20-25 яшь тирәсе, буе 163 сантиметр, чәче кыска, куе-соргылт төстә, күзләре зәңгәр, гәүдә төзелеше уртача. Өстендә соры чүпрәк куртка, кара спорт чалбары, ак кроссовкалар, кара толстовка, буйга сызыклар төшкән зәңгәр футболка.

Белүчеләр булса "Савиново" полиция бүлегенә, 291-42-12 һәм 291-42-24 телефоннары буенча хәбәр итүләре сорала.

Татарстан буенча эчке эшләр министрлыгының матбугат үзәге