Әтнә таңы

Әтнә укучылары иҗаты

КЫШКЫ КҮҢЕЛЛЕЛЕК Сәйлән кебек кар өслеге Кояшта җем-җем итә. Кышкы матурлыкны күреп Күңел сөенеп китә. Тышта ап-ак йомшак карда Бик күңелле уйнавы. Саф һавасы тәнгә сихәт, Җанга рәхәт сулавы. Тимераякта йөрибез, Чаңгы, чана шуабыз, Кар бәрешеп тә алабыз - "Өр-яңадан туабыз". Караңгыга кадәр тауда Шау-гөр киләбез шулай. Безнең күңелле уенга...

КЫШКЫ КҮҢЕЛЛЕЛЕК

Сәйлән кебек кар өслеге

Кояшта җем-җем итә.

Кышкы матурлыкны күреп

Күңел сөенеп китә.

Тышта ап-ак йомшак карда

Бик күңелле уйнавы.

Саф һавасы тәнгә сихәт,

Җанга рәхәт сулавы.

Тимераякта йөрибез,

Чаңгы, чана шуабыз,

Кар бәрешеп тә алабыз -

"Өр-яңадан туабыз".

Караңгыга кадәр тауда

Шау-гөр киләбез шулай.

Безнең күңелле уенга

Кыш та гызыга бугай.

Әдилә СИРАҖИЕВА,

Әтнә районы Яңа Шашы урта мәктәбенең 6 сыйныф укучысы

ТИМЕРАЯК

Әни миңа тимераяк

Алып кайткан бүләккә.

Минем нәрсә теләгәнне

Белгән инде, әлбәттә!

И шатландым, куанычтан

Шугалакка йөгердем.

Кичкә кадәр шудым анда,

Чөнки бик тә сөендем.

Таңсылу САБИТОВА,

Әтнә районы Яңа Шашы урта мәктәбенең 6 сыйныф укучысы

КАР БӨРТЕГЕ

Ап-ак кына, йомшак кына

Кар бөртекләре оча.

Оча-оча, бии-бии

Куналар минем кулга.

Сулышымны өргән идем,

Кар бөртеге юк булды!

Салкыннан яралган чәчәк

Минем җылымнан сулды.

Фәнзия ХӘСӘНОВА,

Әтнә районы Яңа Шашы урта мәктәбенең 6 сыйныф укучысы

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: