Әтнә урамнарына комлы катнашма сибелә

Бүген юлда йөрүчеләр кайсы якка карарга белми тилмерәләр, тик кая карасаң да юк, урамнар көзге кебек, карга чыгып карыйсың анысы да бозланып каткан, хет күтеңә утырып шу, алай шуучылар да булгандыр... Бар урамда да шушы хәл иде иртән.

- Иртәдән тракторны чыгардык, комлы катнашма сибә, көн дәвамында эшләячәк инде ул, ничек өлгерә. Олы Әтнә авылы эче генә дә 40 километрга җыйнала... Урамнарга ком сибелгән җир бардыр, килеп җитә алмаганы бардыр...- диде коммуналь хуҗалык җитәкчесе Рамил Сәфәров.

Яхшыга өметләник, үзебезгә ышаныйк. Карап йөри күрегез.