ЮХИДИ штрафларын юл ремонтына тотарга тәкъдим итәләр. Минтранс төбәк юл фондлары чыганакларын киңәйтергә кирәк дип саный.

Бүгенге көндә Россия төбәкләрендәге юллар, башлыча, федераль бюджеттан, ГМС акцизларыннан һәм транспорт салымыннан кергән акчалар исәбенә ремонтлана.

Ә Минтранс "Платон" системасы керемнәрен, түләүле парковка, юл буе җир участокларын арендасын, шулай ук Юл кагыйдәләрен бозган өчен штрафларны да төбәк юл инфраструктурасына юнәлтергә тәкъдим итә.

Кабул ителсә, документның яңа редакциясе 2017 елның 1 гыйнварыннан гамәлгә керә. Шул вакытта безнең Әтнә юллары да сизелерлек яхшырыр дип өметләник.