Әтнә юлларында сак булыгыз

Атнаның беренче көне Әтнә - Бәрәскә юлында җиңел машиналар катнашындагы юл һәлакәте турындагы хәбәр белән башланып китте. Әлеге һәлакәттә өч кеше тән җәрәхәтләре алды. Һава торышын һәм бозлавыкны исәпкә алып, юлларда игътибарны киметмәсәк иде.

Узган атна барышында куркынычсызлык каешын такмаган өчен алты машина йөртүчегә протокол төзелгән. Махсус билге куелган урынга туктаган өчен - ике, "Стоп" билгесенә туктамаган өчен - бер, страховкасы булмаган - дүрт, номерлары пычрак - бер, страховкада булмаган кешене рулҗгә утырткан өчен - өч машина йөртүче административ җаваплылыкка тартылган. Шулай ук бер вак юл һәлакәте теркәлгән.