Әтнә үзәгендә район чыршысы куелды

Коммуналь хуҗалык хезмәткәрләре озак азапланды быел чыршы эзләп. Мари урманнарын айкау куанырлык нәтиҗә бирмәде."Янгыннар вакытында чыршыларга зыян килгән, матуры булмады", дип аңлаттылар. Күңелгә "Елка"сыз калмабызмы дигән шик тә кергән иде. Аллага шөкер, булды чыршы. "Теләче урманыннан алып кайттык чыршыны. Безнең белән бергә мәктәп тә барды. Сораганнарга алып кайттык. Шимбә көнне урнаштырдык. Биеклеге- 22 метр. Урнаштырганда 2 метры җиргә керде. Узган ел да шул чама иде. тагын да зуррагын алып кайтырга безнең техникаларның мөмкинлеге юк. Исән-сау бәйрәм итәргә язсын",- ди хуҗалык җитәкчесе Рамил Сәфәров.